Benazir Bhutto aneqqissinnaalerpoq

Imminut toqoriaatigalutik qaartartumeerisut amerlaqimmata Benazir Bhutto-p inuunerminik ulorianartorsiornissaa ernummatigalugu oqartussaasut ullumi siusinnerusukkut aneqqujunnaaraluarpaat.

Peqqutaanerugunarporli ajunaarnersuaqartillugu maleruagassanik Pakistanimi præsidentip Pervez Musharraf-ip atuutsitsilerneranut akerliussutsimik takutitsiniartunut Benazir Bhutto siuttuussanasoralugu taama pisoqarnissaa oqartussaasut pinngitsoortinniarsimagaat.

Bhutto Islamabadimi angerlarsimaffimminiit ullumi siusinnerusukkut aneriaraluarmat, politeerpassuit unitsippaat. Taamaalimmat isumaqataasut angerlarsimaffimmi silataani katersuussimasut torlulaartaat atorlugu oqalugiarfiginiarsarai.

Præsidentip illorsuaniit ullumi nalunaarutigineqarpoq, Benazir Bhutto-p aneqqusaannginnera præsident Musharrafip ingerlaannartumik atorunnaarsissagaa, ajunaarnersuaqartillugulu maleruagassanik atuutsitsilernini aamma atorunnaarsissagaa.