- Qanga pisimasunut ajortunut ajuusaarnera oqaatigerusuppara, inuiaqatigiinni assigiinngisitsineq ulluni makkunani suli ajornartorsiutaammat, Belgiap kunngia Philippe DRCongop præsidentianut Felix Tshisekedimut allappoq.Assi: World Trade Organization/flickr

Belgiap kunngiata DRCongop nunasiaataasimanera ajuusaarutigigaa

Belgiap kunngiata Philippep DRCongop nunasiaataasimanerata maannamut suli anniaataanera utoqqatsissutiginerarlugu nunap taassuma præsidentianut allappoq.

Belgiap kunngiata Philippep Belgiap nunasiaatigisimasaani DRCongomi iliuuserineqarsimasunut marlunngornermi ajuusaarnini oqaatigaa.

- Qanga pisimasunut ajortunut ajuusaarnera oqaatigerusuppara, inuiaqatigiinni assigiinngisitsineq ulluni makkunani suli ajornartorsiutaammat, Belgiap kunngia Philippe DRCongop præsidentianut Felix Tshisekedimut DRCongop nunasiaataajunnaarneranit ukiut 60-inngortorsiorneranut atatillugu allappoq.

Belgiap DRCongomut Afrikami nunat annersaasa tullianni iliuuserisarsimasani pillugit ajuusaarnerminik aatsaavissuaq ersersitsivoq.

DRCongo Beligiamit 1884-miit 1960-mut nunasiaataavoq. DRGongo 1960-imi namminersulivinnermini Belgisk Congomik ateqartoq, 1997-imi DRCongomik ateqalerpoq.

DRCongo isumalluuteqarfissuuvoq, taakkualu nunanit allanit suliffeqarfissuarniillu nunanit allaneersunit ukiut qulikkuutaat ingerlaneranni piaarneqartarlutik.

Afrikami DRCongomiut milliuunilikkuutaat ilaatigut kummiliassanik naatitsivinni sulinerminni toqutaasimasut, aqqunarsimasut nappaalanerminnik toqquteqarsimasut, oqaluttuarisaanermik ilisimatuut oqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat