Belgiamiut inatsisartunut ullut 493-it matuma siorna qinersigamilli kiisami naalakkersuisoqalertut
Belgiami inatsisartunut qaammatit 16-it matuma siorna qinersisoqarmalli kiisami naalakkersuisoqalerput.
Alexander De Croo ministeriunertut pingasunngornermi toqqarneqartoq taama ilisimatitsivoq.
- Naalakkersuisut ullumi pilersinneqarput, taanna tusagassiortunik katersuutsitsinermi oqarpoq.
Alexander De Croo Belgiami naalakkersuisunngortitsiniarnermi isumaqatiginninniartoqarnerani aningaasaqarnermut ministeriunerugallarsimavoq.
AAMMA ATUARUK Belgiami premierministeri tunuartoq
Naalakkersuisoqatigiit siuttuuffigisassai partiinit arfineq-marlunneersuupput. Liberalit socialistillu ilaatigut naalakkersuisoqatigiipput, Belgiamilu Flamskisut franskisullu oqaluttut partiivinit aamma peqataasoqarluni.
Alexander De Croop naalakkersuisoqatigiiliornissamut isumaqatiginninniarnerit sivisuallaarsimasutut nalilerpai.
- Innuttaasut naalakkersuisoqatigiilersunik tatiginnissinnaalernissaat naalakkersuisoqatigiilersut maanna sulissutigissavaat, De Croo oqarpoq. Nutaarsiassaqartitsivik Ritzau taama allappoq.
