Belgiami kunngiusimasup Albert II (Albertip Aappaata) arnamik allamik 1960-ikkunni ilaqarluni panissaarsimanini maanna nassuerutigaa.Assi: Eric Lalmand/AFP/Ritzau Scanpix

Belgiami kunngiusimasup paneqarnini nassuerutigigaa

Kunngiusimasup Albertip (Albert II) allamik arnamit paneqarnini ukiorpassuarni eqqunnginnerartarsimavaa. Maannali nassuerpoq.

Belgiami kunngiusimasup Albert II (Albertip Aappaata) arnamik allamik 1960-ikkunni ilaqarluni panissaarsimanini maanna nassuerutigaa.

Kunngiusimasup DNA-vata misissorneqarnisssaa ukiup ataatsip matuma siornatigut peqqussutigineqarpoq, Albertillu 50-inik ukiulimmik paneqarnera, kunngiusimasup DNA-vanik misissuinermi paasineqarpoq.

Kunngiusimasup arnamut pineqartumut, eqqumiitsuliortumut Delphine Boëlimut ataataannginnini maannamut attattuarsimagaluarpaa.

Albertilli, 85-inik ukiullip, Boëlimut ataataanini ippassaq ataasinngornermi nassuerutigaa.

Delphine Boëlip Albert ataatagalugu ukiuni kingullerni 20-ni oqaatigiuarsimavaa. Albertilli ataataanini nassuerutigiumanngimmagu Boëlip tamanna eqqartuussivitsigut suliarisassanngortippaa.

Naak Albertip uersagaqarnini nassuerutigereeraluaraa suliaq suli inernilerneqarunanngilaq.

Eqqartuussissuserisuatami RTL-imut oqaatigaa Boël Albertimit kingornussassaqartoq, soorlu meeraasut kingornussisinnaatitaasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat