Belgiami inatsisartut siulittaasuat naalakkersuisunik pilersitsiniartussanngorpoq
Belgiap kunngiata Albertip, inatsisartut siulittaasuat taanna, 61-inik ukiulik, kristendemokratiusoq naalakkersuisunik pilersitseqqullugu ippassaq unnukkut qinnuigisimagaa kunngip illorsuanit nalunaarutigineqarpoq. Van Rompuyip qinnuigineqarnini akuersaarsimagaa nalunaarummi aamma oqaatigineqarpoq.
Belgiami naalakkersuisuugaluartut ministeriunermit Yves Letermemit siulersorneqartut juullip siuninnguagut ajalusoorput, tassa eqqartuussiviit qullersaanit oqaatigineqarmat, aningaaserivissuup Fortisip akiliisinnaajunnaarneranut atatillugu naalakkersuisut eqqartuussiviup inerneranut sunniiniarsimasutut oqaatigineqarmata.
Ukiup ataasiunngitsulluunniit ingerlanerani Belgia naalakkersuinikkut pingajussaa maanna ajornartorsiorfiuvoq.