Liegemi napparsimmavimmi sulisut sisamararterutaat coronavirusimik tunillatsissimassangatinneqarput.Assi: Kenzo Tribouillard/AFP/Ritzau Scanpix

Belgiami illoqarfiit ilaanni nakorsat coronamik tunillanneqarsimasut suliinnaqquneqartut

Belgiami peqqinnissaqarfimmi sulinerup ingerlarnga ajalusooqqunagu nakorsat coronavirusimik tunillanneqarsimasut suliinnaqquneqarput.

Belgiami illoqarfimmi Liegemi nakorsat coronavirusimik tunillatsissimagaluarlutik suliinnaqquneqarsimapput.

Tuluit nutaarsiassaqartitsiviat BBC taama allappoq.

Liegemi napparsimmavimmi sulisut sisamararterutaat coronavirusimik tunillatsissimassangatinneqarput.

Napparsimmavinni qulini sulisut coronamik tunillatsissimasut tunillatsissimanermilli takussutissaqanngitsut qinnuigineqarput sulinertik ingerlatiinnassagaat.

AAMMA ATUARUK Nunarsuaq tamakkerlugu coronavirusimik tunillatsissimasut 27 millioninngortut

Peqqinissaqarfimmi sulinerup ingerlarnga ajalusooqqunagu allanik periusissaqanngitsoq, Belgiami peqqinnissaqarfinni sulisut peqatigiiffianni siulittaasoq Philippe Devos BBC-mut oqarpoq.

Napparsimmavinnilu sulisut coronavirusimik tunillatsissimasut uninngasunut tunillaaratarsinnaasut, Philippe Devosip aamma nassuerutigaa.

Belgia 11,5 millioninik inuttussuseqartoq, coronavirusip nunarsuaq tamakkerlugu tuniluunnerani nunani eqqugaanerpaasut ilaannut aappassanik ilannguppoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat