Beirutimi umiarsualivik ikuallarujussuartoq
Ikullanneq nakkutiginiarlugu sakkutuut ikuallattup eqqaaniitinneqarput.
Umiarsualivik Libanonimi sakkutuut oqarnerat naapertorlugu quersuup uuliaasiviusup biilinullu assakaasuusiviusup ikuallannerata kingunerisaanik ikuallalersimasorineqarpoq. Ikuallanneranullu peqqutaarpiartoq suli paasineqanngilaq.
Allattoq Ritzau
septembarip 10-at 2020 14:51
Nutserisoq Jaaku Lyberth
Beirutimi umiarsualivik, illoqarfiup umiarsualiviani ilarujussuanilu qaammat ataaseq matuma siorna sakkortoorujussuarmik qaartoortoqareersorlu, ataasinngornermi ikuallarujussualerpoq.
Nutaarsiassaqartitsivik Reuters taama allappoq.
Umiarsualiviup ilaa qaartoortoqarnerani aseruatiterfiusimasoq ikuallappoq, pujorlu qernarissoq tamatuma kingunerisaanik illoqarfimmut siaruaalluni.
Ikullanneq nakkutiginiarlugu sakkutuut ikuallattup eqqaaniitinneqarput. Ikuallanneq siaruaassimanngitsoq, officeri Reutersimut oqarpoq.
Umiarsualivik Libanonimi sakkutuut oqarnerat naapertorlugu quersuup uuliaasiviusup biilinullu assakaasuusiviusup ikuallannerata kingunerisaanik ikuallalersimasorineqarpoq. Ikuallanneranullu peqqutaarpiartoq suli paasineqanngilaq.
