Libanonip illoqarfiisa pingaarnersaanni qaartoortoqarnerani aserorterinerit milliardilikkaanik naleqassangatinneqarpoq.Assi: Anwar Amro/AFP/Ritzau Scanpix

Beirutimi qaartoortoqarnerata kingunerisaanik inuit 16-it tigummigallarneqartut

Libanonimiut inuit ikinnerpaamik 145-t ajunaarnerannik kinguneqartumik qaartoortoqarnerata kingunerisaanik naalakkersuisunut akerliussutsimik sisamanngornermi takutitsisoqarpoq.

Beirutimi marlunngormat qaartoorujussuartoqarnerata kingorna inuit 16-it Libanonimi oqartussanit tigummigallarneqarput.

Libanonimi naalagaaffiup nutaarsiassaqartitsivia, NNV taama allaaserisaqartoq Reuters allappoq.

Sulilu misissuisoqarpoq. Umiarsualivimmi sulisut ilanngaaserisullu katillugit 18-it killisiorneqarsimapput. Taakku quersuarmi toqqaannartumik toqqaannanngikkaluamilluunniit sulisuupput. Quersuarmi tassani qaartoortoqarpoq.

Inuit ikinnerpaamik 145-t ajunaarput, ikinnerpaamillu 5000-t aqqunartiterlutik.

AAMMA ATUARUK Guvernøri: Beirutimi ajunaarnersuaqarnera milliardinik naleqartoq

Libanonip naalakkersuisuisa Beirutip umiarsualiani quersuarmi ammonimiumnitratip 2750 tonsiusup ikuallannerani qaartoorujussuartoqartoq nassuiaatigaat.

Qaartoortoqarnerata pissutaa suli ilisimaneqanngilaq, atortussialli qaajasut illersorneqarsinnaanngitsumik uninngatinneqarsimasut saqqummiunneqarpoq. Ritzau taama allaaserisaqarpoq.

Tusagassiorfiit libanonimiut sillimaniarnermut sakkutuuisa gassit qulliliornartut akerliussutsimik takutitsisut tungaannut eqqarsimagaat aamma nalunaarutigaat.

Eqqaaffigineqartut Beirutip qeqqani qaartoorujussuartoqarnerani kingunerisaanik Lindanonimi naalakkersuisunut akerliussutsimik takutitsillutik ingerlaaqatigiittuupput.

Akerliussutsimik takutitsisut ikuallaapput, pisiniarfinnik aserorteripput politiinullu ujaqqanik milloorlutik. Nutaarsiassaqartitsivik NNA allappoq.

Qaartoortoqarnera Libanonip aningaasarliornerpaaffiani pivoq, kingullermik Libanonip inuiasa 1975-imit 1990-imut imminnut sorsuunnerata nalaani taama aningaasarliortoqarpoq.

Libanonip illoqarfiisa pingaarnersaanni qaartoortoqarnerani aserorterinerit milliardilikkaanik naleqassangatinneqarpoq.

AAMMA ATUARUK Nødhjælp ankommer til Beirut efter eksplosion

Beirutimi immikkut ittumik sapaatip-akunnerini tulliuttuni marlunni upalungaarsimasoqarnissaa, Libanonimi naalakkersuisut ippassaq pingasunngornermi nalunaarutigaat.

Inuit 300.000-t angullugit qaartoortoqarnerani angerlarsimaffeerutsinneqartut, Beirutip guvernøriata eqqoriarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat