Beirutimi qaartoortoqareersorlu ikiorsiissuteqartoqalersoq
Libanonip illoqarfiisa pingaarnersaanni Beirutimi ippassaani qaartoortoqareersorlu ikiorsiissutit siulliit ikiuiniartullu siulliit Beirutimut tikereerput.
Nunat assigiinngitsut peqqinnissaqarfii ikiuipput, napparsimmaviugallartunik pilersitsisoqarpoq, annaassiniartartut immikkut sungiusakkat, annaassiniartartullu qimmilisartut Beirutimut tikereerlutik. Nutaarsiassaqartitsivik Ritzau taama allaserisaqarpoq.
AAMMA ATUARUK Guvernøri: Beirutimi ajunaarnersuaqarnera milliardinik naleqartoq
Inuit ikinnerpaamik 135-t Beirutimi qaartoortoqarnerani ajunaarsimasut, Libanonimi peqqinnissaqarfiup nalunaarutigaa.
Inuit allat 5000-t missaat aqqunartitersimapput.
Beirutimi immikkut ittumik sapaatip-akunnerini tulliuttuni marlunni upalungaarsimasoqarnissaa, Libanonimi naalakkersuisut ippassaq pingasunngornermi nalunaarutigaat.