Beirutimi politiit immikkut sungiusakkat Beirutimi akerliussutsimik takutitsisut avissaartinniarlugit gassimik qulliliornartumik eqqarfigaat.Assi: Thaier Al-Sudani/Reuters/Ritzau Scanpix

Beirutimi politiit gassimik qulliliornartumik akerliussutsimik takutitsisunut atuisut

Beirutip qiterpasissuani aporaattoqarpoq. Politeeq ataaseq toqutaavoq.

Beirutimi politiit immikkut sungiusakkat Beirutimi akerliussutsimik takutitsisut avissaartinniarlugit gassimik qulliliornartumik eqqarfigaat.

Beirutimi sapaatip-akunnerata siuliani qaartoorujussuartoqarnerata kingorna Beirutimi innuttaasut naammagittarunnaarput. Inuit ikinnerpaamik 158-it ajunaarput, 6000-llu missaat aqqunartiterlutik. Libanonip peqqissutsimut ministereqarfia taama ilisimatitsivoq.

Inuit 300.000-t pallilugit angerlarsimaffeerutsinneqarput.

- Akerliussutsimik takutitsinerup nalaani eqqartoqarpaluttoq tusaaneqarsinnaavoq. Tusgassiorfiit assigiinngitsut taama allaaserisaqarput.

Beirutip qiterpasissuani ippassaq arfininngornermi aporaattoqarmat politeeq ataaseq toqutaavoq. Libanonimi oqartussat oqaaseqartitaat nutaarsiassaqartitsivimmut Reutersimut taama oqarpoq.

Inuit ikinnerpaamik 117-it Beirutip qiterpasissuani aporaannerattoqarnerani aqqunartitersimasut Røde Korsip ilisimatitsissutigaa, 55-it napparsimmaviliaanneqarsimapput.

Akerliussutsiminnik takutitsisut Libanonip nunanut allanut tunngasunut ministereqarfia tiguarpaat, Libanonip præsidentianik Michel Aounimik asseq ilaatigut ikuallalluguu. Akerliussutsiminnik takutitsisut ministereqarfimmit Libanonimi sakkutuunit peersitaapput.

Politikerit akerleralugit Libanonimi inatsisartut ataatsimiittarfiannut iserniarsarigaluarput. Akerliussutsiminnik takutitsisut politikerit naammaginagit, peqquserluttuliortutut taavaat, Libanomilu aningaasarsiornerup ajorsiortornera iluarinagu politikerinik tatiginnikkunnaarlutik.

/ritzau/Reuters

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat