Beijingimi kalaallinik peqataasoqarpoq

Naluneqanngitsutut Beijing-imi OL ingerlaleruttorpoq, Kalaallit Nunaanniillu aamma peqataasoqarpoq, imaanngitsorli timersornermik unammiartoqataasunik peqataasoqartoq. Peqataasullu tassaapput Timersortartut kattuffiata Grønlands Idrætsforbundip siulittaasua, Nuka Kleemann, aammalu GIF-p sinniisua Claus Nielsen.
Allattoq Louise M. Kleemann
aggustip 11-at 2008 07:52

Taakku taama peqataanerat siunissami timersortartut akornanni misilittagaqariartuaarnissaq pillugu angalasut erseqqissaatigineqarpoq.

- Timersornikkut aaqqissuussapiluunersuit tamakku tipisioriartorpavut. Soorunami aamma OL aqqutigalugu inuiannik allanik attaveqalernissarput anguniarlugu peqataavugut, taama timersortartut siuttui, danskit sulorarnermik unammisartuisa nittartagaanni taama issuarneqarput.

Taakku marluullutik sulorarnermik unamminerit malinnaavigineruniarpaat.

- Kalaallit Nunaanni arlalinnik pikkorissunik sulorarnermik unammisartoqarpugut, taakkulu kakkannersaat Danmarkimi unammisartuupput, taamaattumik takorluuisinnaasariaqarpugut ullut arlaanni Kalaallit Nunaat OL-imi aamma peqataasinnaajumaartoq, Claus Nielsen taama nittartakkami issuarneqarpoq.

Taakku marluullutik sulorarnermik unamminerit malinnaavigineruniarpaat.

- Kalaallit Nunaanni arlalinnik pikkorissunik sulorarnermik unammisartoqarpugut, taakkulu kakkannersaat Danmarkimi unammisartuupput, taamaattumik takorluuisinnaasariaqarpugut ullut arlaanni Kalaallit Nunaat OL-imi aamma peqataasinnaajumaartoq, Claus Nielsen taama nittartakkami issuarneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq