Ritzau Timersorneq

Beijingimi 2022-mi ukiuunerani OL-ertoqassaaq

2022-mi ukiuunerani OL-ertoqarnissaa Kinami Beijingimi pisussanngorpoq. Tamanna Malaysiami illoqarfimmi Kuala Lumpurimi aliikkusersuinermik aaqqissuussinermi nalunaaquttap akunnera ataatsip matuma siorna nalunaarutigineqarpoq.

Allattoq Ritzau

juulip 31-at 2015 11:34

Nutserisoq Simon Uldum -

OL-imut ataatsimiititaliami ilaasortat tassani taasitinneqarput taasititsinermilu Kasahkstanimi Almaty ajorsartinneqarpoq Beijingilu toqqarneqarluni.

Beijing taamaalilluni illoqarfinni siullersaalluni aasaanerani ukiuuneranilu OL-imik aaqqissuisuusussanngorpoq. Aasaanerani OL-ertoqarnera illoqarfimmi tassani 2008-mi pivoq.

Kinami illoqarfik Almatymut naleqqiullugu piukkunneqarneroreerpoq, naak Almatymi sila unammiunaarnernut piukkunnarnerugaluartoq.

Aamma atuaruk 2022-mi ukiukkut OL-erfissaq aqagu toqqarneqassaaq

Taamaalillunilu Beijingimi ukiuunerani OL-ip ingerlanneqarnissaanut aputaasanik atuisoqartariaqassaaq.

Kuala Lumpurimi aamma nalunaarutigineqarpoq 2020-mi inuusuttunut ukiuunerani OL-ertoqarnissaa Scweitzimi illoqarfimmi Lausannemi pissasoq.

Taamaammat nunatsinni timersortartut neriunaatillit anguniagassaqalerput: 2020-mi Schweitzimi aammalu 2022-mi Kinami peqataanissaq.

Sungiusarneq aallartissinnaanngorpoq!