Beijing: Georgiamiut Ruslandimiunut ajugaapput
Russilli ajorsarnertik itisuumik tigunngikkaat oqaatiginiarneqarpoq.
- Georgiamut unamminngilagut, kammalaatigunukua Brasiliamiut unammigivut, russit beachvolley-mik unammisuisa ilaat unamminerup kingorna tusagassiortunik katersortitsinermi taama oqarpoq.
Georgia sinnerlugu unammisut arnat marluk Georgiami inunngorsimannginnerat aamma taakkartorneqarpoq, taakkumigooq Brasiliameersuupput, marlussoriaannarlutillu Georgiamut tikeraarsimapput – ilaatigut pas-issartik aasussanngoramikku Georgiamut aasimagaat taakkartorneqarluni.
- Georgiamiuusimagaluarunimmi nunaminni pisut aalassassimaarutigisimassagaluarpaat, russit ajorsartut ilaat taama issuarneqarpoq, taassumalugooq arsamik unamminertik pinnagu nunatik sorsuuttut pillugit oqalunniinnaleraluaqaaq.
