BBC-imit aallakaatitassiaq nersornaasigassatut inassutigineqartoq

BBC-imi apeqqarissaajutigalugu aallakaatitassiaq, Hard Talk, KNR suleqatigalugu pilersinneqartoq, silap pissusaata allanngoriartornerinik aallakaatitassiat pitsaanerpaartaattut akissarsisinneqartussatut inassutigineqarpoq.
septembarip 30-at 2010 12:33

Nunarsuaq tamakkerlugu tv-iikkut, radiukkut onlinekkut mobilitigullu tusagassiuutit ilisimasatigut attaveqatigiiffiat AIB, Association for International Broadcasting, nunat tamat akornanni tusagassiorfinnut nersornaasiussanik agguaasuussaaq.

Hard Talkimi aallakaatitassiaq On the Road to Greenland, nersornaasigassatut inassutigineqartoq, nunat suliffissuaqarfiusut nunallu ineriartortitat akornanni silap pissusaata allanngoriartornera pillugu oqallinnermi politikkikkut tunngavilersuutinik qimerluuivoq.

Qulequttami nersornaaserneqartussatut inassutigineqartut sinneri tassaapput United Nations 21st Century, Phoenix Satellite Television aallakaatitassiarlug Earth Rescue Operation, Sky Television aallakaatitassiarlu Ross Kemp: Battle for the Amazon, CNN's Going Green: Climate Summit aamma VRT’s Low Impact Man.

Taasineq internetikkut ingerlanneqartoq ippassaq aallartippoq, maannamullu Hard Talk pingajuattut inissisimavoq siuleralugit VRT aamma Phoenix Satellite TV.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq