Batteerit katersuivinnut tunniunnissaat eqqaamassavat
Inngileeraq sulumminik aalataarisoq kusanarpallaarunnaaraangat, juulimaarlu qiimaqaluni eqquumminik equsaartitsiunnaaraangat batteriit igitassanngortarput, ajoraluartumillu amerlaqisut eqqaavimmut ingerlaannaq iginneqarajuttarlutik. Tamannali pinaveersaartinniarlugu Kommuneqarfiit Kattuffiat kaammattuivoq.
Allattoq Louise M. Kleemann
Battieerit elektronikkertaallu aatsitassanik oqimaatsunik avatangiisinik mingutsitsisinnaasunik , soorlu kviksølvimik cadmiumimillu akoqarput.
Tamakkua ilaatigut meeqqat peroriartornerinut ilikkarsinnaassusiannullu, uumasut inuillu kinguaassiorsinnaassusiannut ajoqusiinnaapput, kræfteqalissutaasinnaallutillu. Taamaattumik batteerit elektronikkillu peerlugit karsiusanut batteriinik katersuivinnut tunniuttarnissaat KANUKOKA-mit eqqaasissutigineqarpoq.