Bashir iperagaavoq
juunip 14-at 2006 06:48
Palasip assortuiumatuup muuamaakkuusup, Abu Bakar Bashirip, Jakartami parnaarussat ineeraat inigisani iperagaalluni unnuaq qimassinnaanngorpaa.
Bashirip Balimi 2002-mi pillaat pisani taamaalilluni naammassivaa, taamani peqqarniisaarujussuarpoq, inuit 200-nit amerlanerit toqutaallutik, toqutaasunut ilaallutik qallunaat pingasut.
Palasip taassuma, 68-nik ukioqartup, qaammatini 30-ni parnaarussaanissamini qaammatit 26-t atoreerlugit iperagaavoq, iperagaammallu inuit tapersersortaasa untritilippassuit nuannaarlutik tikilluaqquvaat.