Barrack Obama qinigassanngortitatut suaarutigaat

Denverimi partiimit aallartitat 4.000-t peqataaffigisaanni taasisinnaasut Hillary Clinton naggammik taasinnaasimagaluarpaat, Obamalli taasinerit 1.500-t sinnerlugit pissarsiarereeraalu Clinton 350-it missaannik taasisoqartoq taasisitsineq unitsinneqarpoq.

New Yorkimit aallartitat taasinissamut tullinnguuttullu New Yorkimi senatoritut Hillary Clintonip taasineq unitseqquaa, tamakkiisumillu Obamap tapersersoqarnissaa qinnutigalugu.

Aallartitat siulittaasuat Nancy Pelosi najuuttorpassuarnut aperimmat taamaaliortoqassanersoq, inersuarmit nillerranneq "ay" tutsiuppoq, taamaalillunilu Barrack Obama Demokraatit qinigassanngortitassarissagaat qularutissaajunnaarpoq.

Obama siusinnerusukkulli naalagaaffikkaartumik taasisitsinerni ajugaareeraluarpoq, ippassarli aallartitat katersuunneranni ajugaanera pisortatigoortumik aatsaat tusarliunneqarsinnaanngorpoq.

USA-mi novembarip qaammataani præsidentinngorniuttoqassaaq.