Barentip imartaani killeqarfiit isumaqatigiissutigaat
Nunap toqqavia Barentip imartaani sukkut avinneqassanersoq Norgep Ruslandillu ukiut 40-t isumaqatigiinniutigereerlugu kiisami maanna isumaqatigiissutigaat.
septembarip 07-at 2010 07:41
Barentip imartaani killeqarfik assortuussutaaqisoq 175.000 kvadratkilometeriuvoq, tamaanilu aalisagarpassuaqarpoq, uuliaqarluni gasseqarlunilu. Tamassumalu angeqatigiingajattumik marlunngorlugu avinneqarnissaa isumaqatigiissutigineqarpoq.
Sikuiuitsumi aamma killeqarfiliornissaq isumaqatigiissummut aamma ilaavoq.
Norgep Ruslandillu isumaqatigiissutaat Murmanskimi septembarip ulluisa 15-ianni atsiorneqassasoq, Danmarkip Radioata nittartagaani allaaserineqarpoq.
Norgemi nunanut allanut ministerip, Jonas Gahr Størep, Ruslandimilu nunanut allanut ministerip, Sergej Lavrovip, isumaqatigiissut atsiussavaat.
