Barentip imartaa tikaagulleqarnerungaatsiarpoq
Norskehavet-mut naleqqiullugu Barentsip imartaani tikaagulleqarnerungaatsiartoq misissuinerit kingulliit takutikkaat.
Norgemi Fiskeribladet allappoq.
Norskehavet-mi nerisassaqarnerusinnaanera tamatumunnga pissutaasinnaasoq, misissuinermik aaqqissuisoq Jens Kristian Holst oqarpoq.
Arferit avannamukaarnerminni Norskehavet-mi ammassassuarnik siumugaqartarput, tamannalu pissutigalugu uniinnartarlutik.
- Barentsip imartaani ammassassuaqaraluarpoq, tikaagulliilli Norskehavet-mi naammattorsuarnik nerisaqarsinnaagunik, avannamukartariaarutissapput, Jens Kristian Holst Fiskeribladet-imut oqarpoq.
Norskehavet-mi tikaagulliit qassiunersut ilisimaneqanngilaq.
Kimmut Jan Mayenimiit kangimut Barentsip imartaata tungaanut Norgemiut arfanniartarput.
Pinngortitaleriffimmiit ilimagineqarpoq Atlantikup avannamut-kangisissortaani 112.000-inik tikaagulleqartoq.