Barcelonami naalakkersuisut tunuartitaasut pikitsitsisutut unnerluutiginiaraat

Cataloniami naalakkersuisut pikitsitsisimasutut, akornusersuisimasutut peqquserluuteqarsimasutullu unnerluusigineqassapput, unnerluussissussaatitaasut taama oqarput.
Assi © : Procsilas Moscas/Flickr Creative Commons
Allattoq Ritzau
oktobarip 30-at 2017 09:52
Nutserisoq Simon Uldum -

Cataloniami naalakkersuisut tunuartitaasut pikitsitsisimasutut, akornusersuisimasutut peqquserluuteqarsimasutullu unnerluutigineqarnissaat Spaniami unnerluussisussaatitaasut sulissutigaat. Madridimi unnerluussisussaatitaasut nutaarsiassaqartitsivik dpa naapertorlugu taama oqarput.

Spaniami premierministerip, Mariano Rajoyip, Cataloniami naalakkersuisut tallimanngormat tunuartippai nunallu immikkoortuani decembarip 21-ani qinersisoqarnissaa nalunaarutigalugu.

Cataloniami inatsisartut sapaatit-akunneranoortumik ataatsimiinnissartik ataasingornermi taamaatiinnarsimagaat, tusarfik atigut taaneqanngitsoq nutaarsiassaqartitsivimmut Reutersimut taama oqarpoq.

Cataloniami avissaarniat siuttuisa ilaat nunap immikkoortuani innuttaasut akerliuniarnissaannik kaammattuisimapput.

Cataloniami ministeritut tunuartitaasunit oqaatigineqarpoq nunap immikkoortuani atorfilittat 20.000-iusut nunap immikkoortuani "qinikkat sullissiviillu inatsisitigut akuerisat" naalakkiutaat maliinnassagaat.

/ritzau/dpa