Naalagaaffinni naalagaaffeqatigiinnut atasuni sisamani ajugaareerluni, Virginiami Obama ullumi qineqqusaarpoq, Virginiami marlunngorpat qineqqusaartoqartussaavoq. Naalagaaffinni Marylandimi Washington D.C-milu marlunngorpat aamma qineqqusaartoqassaaq, tamaanilu innuttaasut amerlanerit qernertumik ameqarput.
Amerikap oqaluttuarisaanerani nutaanermi præsidentinngorniuttuni Demokratini aatsaat taama pikkunartigisumik imminut qanittoqarpoq, Obama Clintonilu unamilluaqigamik.
Obama Washingtonimi, Nebraskami Louisianamilu aamma qeqertani Jomfruø-ni, siusinnerusukkut Dansk Vestindiasimasuni, ippassaq ajugaarujussuarpoq.
Taamaammat præsidentinngorniunnermi Obamap piffissami kingullermi ajugaasarnermini Clinton angujartuaarpaa.