Barack Obama ivertinneqarpat tusarnaartitsinersuaqassaaq

Barack Obamap USA-mi præsidentinngortinneqarnissaanut atatillugu amerikami illoqarfiit pingaarnersaanni popimik erinarsortartut tusaamasarsuit arlallit tusarnaartitsersuaarnialerput.

Washingtonimi pisussaq Lincolnimik eqqaassutissaqarfimmi sapaatiuppat pissaaq, ilaatigut Beyoncé, Bono U2-meersoq, Bruce Springsteen, Herbie Hancock aamma Stevie Wonder peqataasoralugit.

Barack Obama præsidentitut ivertinneqassaaq marlunngorpat januaarip ulluisa 20-anni.

- Oqaluttuarisaanermi pisoq pingaarluinnartoq nalliussiniarlugu naalagaaffik najugarput suliassaqaqisorlu ataatsimoorfeqartariaqarmat tusarnaartitsersuarniarpugut, aaqqissueqataasoq George Stevens oqarpoq.

- Nipilersornerinnaassanngilarli, aamma isiginnaartitsisartut, soorlu Jamie Foxx, Denzel Washington, Queen Latifah aamma Matin Luther King III amerikap oqaluttuarisaanerani oqaaserineqarsimasut pingaarnersiorlugit akunniliullugit atuffassissutigisassavaat, Stevens ilisimatitsivoq.