Barack Obama Irakimut tikeraarpoq
Præsidentitut qinigaassaguni USA-p Irakimi sakkutuuliiunnaarnissaa Barack Obamap qineqqusaarutigaa.
USA-mi inatsisartunut ilaasortat allat peqatigalugit Obama Irakimut tikeraarpoq, Irakimi oqartussat sakkutuullu naalagaasa ilaat naapittussaallugit.
Nunanut allanut politikkimut atatillugu oqallinnermut akuusinnaanini qinersisartunut takutinniarlugu Obama nunanut allanut ulluni makkunani angalavoq.
Republikanerit præsidentimut qinigassanngortitaat John McCain Barack Obamamik isornartorsiuivoq, nunanut allanut tunngasunut ilisimasaqarpallaannginnerarlugu. USA-p Irakimi sakkutuuliinerata nalilersoqqittariaqarneranik Obamap oqariartuutaa McCainip aamma isornartorsiorpaa.
Sakkutuut Irakimiitsinneqartut USA-mit amerlineqaqqammerput, isumannaallisaaniarnermilu pitsanngoriaatit McCainip taakkartorpai, sakkutuullu Irakimiittut imaaliallaannaq angerlartinneqarnissaat isumaqatiginagu.
Novembarip ulluisa sisamaanni USA-mi præsidentinngorniartoqassaaq, USA-llu Irakimi sakkutuuliinerata nalilersoqqittariaqarnissaa Barack Obamap attatturasinnarpaa, sakkutuullu ilaatigut Afghanisatnimut nuutsinneqarsinnaanissaat ujartorlugu.
