Barack Obama immikkut ittumik iliuuseqalersaarpoq

USA-p præsidentia Barack Obama tusagassiuutit aqqutigalugit saqqumilaarnini nangillugit sapaatip-akunnerata tulliani immikkut ittumik iliuuseqalersaarpoq.
Allattoq Mads Lynge
septembarip 20-at 2009 17:50

Obama TV-qarfissuarni tallimani apeqqarissaarfigineqarpoq, atomillu nukinganik siammarterisarneq pillugu Naalagaaffiit Peqatigiit Isumannaallisaaniaqatigiivi sisamanngorpat ataatsimeeqatigissallugit.

Isumannaallisaaniaqatigiinni ataatsimiinneq amerikamiut præsidentiannik siullerpaamik aqunneqassaaq.

Silap pissusaa pillugu Naalagaaffiit Peqatigiit marlunngorpat ataatsimiissaapput, qullersartik Ban Ki-moon ataatsimiititsisoralugu.

Palæstiinamiut siuttuat Mahmoud Abbas Israelillu ministeriunera Benjamin Netanyahu kingorna ataatsimeeqatigineqassapput, Kangia Qiterlermi aaqqiagiinngissutit pillugit ataatsimiittoqassagami.

Nunat pisuut 20-t, G-20-mik taaneqartartut, Pittsburghimi sapaatip-akunnerata naajartulernerani ataatsimiissapput, aallartitat ataatsimiinneranni Barack Obama aqutsisuussagami.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq