Barack Obama aningaasaqarneq pillugu ilungersorpoq

Aningaasaqarniarneq pillugu pilersaarutini Obama saqqummiarluni unnuaq saqqummerami qungujussaqarani mersernarpasippoq. Sillimmasiisarfissuulli AIG-p naalagaaffimmiit milliarderpassuarnik tapiiffigineqariarluni millionerpassuit pisortaasut agguagassarsiassaannut atorneri pillugit Obamap ulluni arlalinni sooq qisuariaateqannginnera tusagassiortorpassuit tusarusunneruaat.

Tassungali atatillugu Obama oqaannarpoq oqaaseqarfigisassani ilisimasaqarfigerusuttaramigit ullut marlussuit qisuariarsimanani.

Tusagassiortunik katersuutsitsinermi tassani taamaallaat misigissutsini takutippai, tassa ersarissumik uumisuppasikkami. AIG-miluunnit pisortaasut agguagarsiassarpassui eqqaagamigit misigissusai malugineqarsinnaanngillat.

AIG-mi pisortaasut aningaasaqarniarnerup ilungersunarsineranut pisooqataasut, maannakkut aningaasarpassuarnik agguagassinneqarnerat allatuulli kamaatigitigaara, Barack Obama oqarpoq.