Bangladesh-imi inuit milliuunit sinneqartut angerlarsimaffeerupput

Bangladeshimi sapaatip akunnneri tallimat matuma siornatigut anorersuarujussuarnerata kingorna inuit milliuuninik sinneqartut angerlarsimaffeerupput, ikiuniaqatigiiffik Røde Kors nalunaarpoq

Inuit ikinnerpaamik 3300-it ajunaarput, milliuunillu sinneqartut angerlarsimaffeerullutik, tamatuma saniatigut nunaatit annertoorujussuit ajoquserneqarput.

Ikiuniaqatigiiffiup Røde Korsip nalunaarusiaani atuarneqarsinnaavoq, anorerusarujussuup Sidr-imik taaguuteqartinneqartup kinguneranik, Bangladeshimi inuit milliuunit sinneqartut tunngaviusumik inuuniarnerminni illersorsinnaanatik massakkut inuusut.

Aseruatiternerup kingorna, aseruatiterneqarsimasut sanaartorneqarnerat sukkasoorujussuarmik ingerlanneqarput, inuilli angarlarsimaffeqarnissaannut pisariaqartinneqartut naammagatik.

Bangladeshimi naalakkersuisut nunanut allanut aningaasanik 11 milliarder koruuninik qinnuteqarput, aseruatiterinerup kingorna sanaartornissamut sinerissamilu isumannaallisaanissamut atorneqartussanik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat