Ban Ki-moon: nerisassaqanngitsut ikiorneqartariaqarput

Nerisassanik amerlanerusunik nunarsuarmi nioqqutissiortoqartariaqarpoq, maannakkorpiarlu nerisassaqanngitsut ikiorneqartariaqarput.
apriilip 21-at 2008 17:31

Ghana-p illoqarfiisa pingaarnersaanni, Accra-mi, Niuerneq Ineriartornerlu pillugit Naalagaaffiit Peqatigiit ulluni tallimani ataatsimeersuartitsinerat ullumi ammarneqarmat, Naalagaaffiit Peqatigiit qullersaat, Ban Ki-moon, taama oqarpoq.

Nerisassat pillugit ajornartorsiuteqarnerup qaangerniarneqarnissaa pillugu aaqqiiniartussanik suleqatigiissitaliornissaq Ban Ki-moon-ip sulissutiginiarlugu aamma neriorsuivoq.

Nerisassanik nunani tamani niuffannermi akit 2007-ip qiteqqunneraniilli 40 procentimik qaffariareerput, qaqorteqqasut, naatitat, soorlu majsit, qajuusatuulia nerisassanut akussaq 70 procentimiit 130 procenti angullugu qaffariarsimallutik.