- Nunat sakkunik ikilisaanissaat piffissanngorpoq tamannalu pimoorunneqartariaqarpoq, Ban Ki-moon oqarpoq. Asseq toqqorsivimmit.

Ban Ki-moon mianersoqqusisoq: Atomip nukinganik qaartartuliat atorlugit sorsuttoqalersinnaanera aatsaat taama aarlerinartigaaq

Atomip nukinganik qaartartuliat atorlugit sorsuussinnaaneq ukiut qulikkaat arlallit ingerlanerini aatsaat taama qanitsigaaq, Naalagaffiit Peqatigiit qullersarisimasaat Ban Ki-moon taama oqarpoq.

Nutaarsiassaqartitsivik AP taama allaaserisaqarpoq.

Naalagaaffiit isumannaallisaaniaqatigiivisa ataatsimeersuarneranni Ban Ki-moonip nunat atomip nukinganik sakkussiortut sakkunik ikilisaanissaannik kaamattorpai.

Qullersaasimasup ilaatigut oqaatigaa USA-p, Ruslandip, Kinap, Tuluit Nunaata Frankrigillu sakkussanikk ikilisaannginnerat atomip nukinganik sakkussiat siammarterneqannginnissaat pillugu isumaqatigiissummut 1970-imeersumut akornutaasoq.

- Nunat sakkunik ikilisaanissaat piffissanngorpoq tamannalu pimoorunneqartariaqarpoq, Ban Ki-moon oqarpoq.

75-inik ukiulik, Ban Ki-moon Naalagaffiit Peqatigiinni ukiut qulingajaat qullersaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat