Ban Ki-moon Haitimut tikippoq
Naalagaaffiit Peqatigiit qullersaata Ban Ki-moonip Haitimi pissutsit maanna atuuttut, Naalagaaffiit Peqatigiit oqaluttuarisaaneranni aatsaat taama ilungersunartigisutut nalilerpai. Nutaarsiassaqartitsivik AFP taama tusarliivoq.
Allattoq Mads Lynge
januaarip 17-at 2010 13:19
Ban Ki-moon Haitip illoqarfiisa pingaarnersaannut Port-au-Prince-imut ullumi tikippoq, inuillu neriuutissaarukkiartuinnavinnerat nammineq takullugu.
Inuit imeq nerisassallu pillugit ilungersuuteqarput, ikiueqqaarnermullu atortut nakorsaatillu Haitimi siammarterneqarnissaat ajornakusoortorujussuuvoq.
Nuna ullut tallimat matuma siornatigut sajuppoq, ikiueqqaarnermullu atortut nakorsaatillu Port-au-Princep timmisartoqarfianut anngunniarneqarnerat ajornakusoorluni.
Dominikanske Republikip tungaanut killeqarfik aamma pisariusorujussuarmik sullissiviuvoq, atortussanillu Haitimut eqqussiniarneq taamaasilluni ajornakusoortorujussuulluni.
