Bamsimik atsiinini parnaarussaassutigigaa
Muuamaakkunnik ajuallatsitsisimasutut nalilerneqarluni arnaq tuluk toqumut pillagaanissaa inuit ikigisassaanngitsut piumasaraat.
Allattoq Mads Lynge
novembarip 30-at 2007 15:00
Sudan-imi inuit 100-likkaat akerliussutitsimik takutitsillutik ingerlaaqatigiipput, arnaq tuluk ilinniartitsisuusoq Gillian Gibbons toqumut pillagaanissaa piumasaralugu.
Gillian Gibbons-ip toqutaanissaanut tunngavilersuutigineqarpoq Gillian Muuamaamut ajuallatsitisimammat.
Muhammed ajuallatsinneqarsimavoq Gillian atuartitani bamseq Muuamaamik atserneqarnera ajorisimanngimmagu, naak taamaalioqqusaanani.
Pisoq pillugu ilinniartitsisoq Gillian ulluni 15-ini parnaarussaalluni pillagaavoq Guutimut mitalliisimanini pissutigalugu.
Gillian parnaarussaareeruni Sudanimiit tuluit nunaanut angerlartinneqassaaq.
Gillian Gibbons-ip illersuisuisa tuluit nunaaneersut, piumasaraat Gillian parnaarussivimmiit aniguisinneqassasoq.
