Balimi qaartartumeerisut toqumut eqqartuunneqarnerat atuutiinnassaaq

Islamisiortut ingasattajaarniat pingasut, Balimi ukioq 2002-imi qaartartumeerinninerisa kingorna toqumut eqqartuunneqartut, toqunneqarnissaasa kinguartinneqarnissaat nunami eqqartuussisuunerusumit allanngortinniarneqanngilaq.
Allattoq Louise M. Kleemann
novembarip 03-at 2008 07:39

Angutit pingasut taakkua toqunneqarnissaat arfininngormalli utaqqinneqalerpoq. Angutit pingasut toqumut eqqartuunneqartut ilaqutaasa, toqumut eqqartuunneqarnerat allanngortinniarlugu eqqartuussissuunermut piumasarisimagaluarpaat, toqunneqarnissaasali kinguartinneqarnissaat allanngortinneqarnissaaluunniit eqqartuussisuunermit allanngortinniarneqanngilaq.

Balimi ukioq 2002-imi qaartartumeerinnittoqarmat, inuit 202 toqutaapput, taakkunannga arnat qallunaat pingasut toqutaallutik.

Toqutaasut amerlanersaat takornariaapput.

Toqumut eqqartuunneqartut taakkua pingasut allanik attaveqarsinnaajunnaarlugit arfininngormalli parnaarunneqarput, toqunneqarnissaallu piareersarneqarluni. Eqqartuussissuunerup oqarnera malillugu angutit toqumut eqqartuunneqartut, sumiiffinni assigiinngitsuni pingasuni toqunneqarumaarput.

Ambulancit marluk parnaarussiviup silaataaniittut oqaatigineqarput, tusagassiorfiillu allaaserisaat aallaavigalugit angutit pingasut taakkua qaquguluunniit toqunneqarsinaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq