Bakteria sapigaqanngitsoq Danmarkimi siumorneqarpoq

Bakteria sapigaqanngitsoq, NDM-1-imik taaguutilik, Danmarkimi siullerpaamik siumorneqarpoq. Nappaat katsorsarneqarsinnaanngingajattoq europami nunani arlaqartuni nassaarineqareerpoq.
novembarip 24-at 2010 08:33

Danmarkimi nakorsat ilisimatuullu akornanni ernumatitsivoq, tassami NDM-1 katsorsarneqarsinnaanngingajappoq. Ikinnerpaamik inuit arfineq-marluk aamma toqqutigereeraat, Politikenimi allaaserineqarpoq.

Qallunaaq tunillanneqarsimasoq arnaavoq 57-inik ukiulik, Bosnien Herzegovinami julimi feriartilluni aammigut toqunartoqalersimasoq. Tamatuma kingorna Danmarkiliaanneqarpoq Skejbyllu napparsimaviani nakorsarneqaluni.

Danskit nakorsat naapertorlugit NDM-1 Australiami, USA-mi, Canadami, Hong Kongimi, Japanimi, Singaporemi, Kenyami, Tysklandimi, Hollandimi, Belgiami, Norgemi, Sverigemi, maannalu Danmarkimi siumorneqarsimavoq.

Bakteriap Indiameersuunissaa ilimagineqarpoq, tassani nassaareqqaarneqarmat.

NDM-1 enzymiuvoq bakterissani assigiinngitsuni nassaassaasinnaasoq katsorsarneqarsinnaanngitsorlu, assersuutigalugu penicillinamik.

Nakorsat oqaatigaat NDM-1 nakorsaatinit tamanit katsorsarneqarsinnaanngitsoq, nakorsaatit marluk eqqaassanngikkaanni.

British Medical Journal malillugu europami inuit 77-it NDM--imik tunillatsissimapput arfineq-marlullu nappaat toqqutigisimallugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq