Bahrainimi akerliussutsimik takutitseqqilerput

Bahrainimi illoqarfiit pingaarnersaanni, Manamami, illoqannginnersaq Perlepladsen, naalakkersuisunut akerliusut tusindtilippassuit tigusareqqippaat, sakkutuut isumannaallisaasut politiillu sakkulersorluarsimaqisut illoqannginnersamiit pinngitsaalillugit peersillugit.
februaarip 19-at 2011 15:31

Kunngi kisermaassisoq Hamad al-Khalifa, tassani illoqannginnersami Perlepladsimi akerliussutsimik takutitsivigineqarmat, illoqannginnersaq taanna assut tusaamaneqalerpoq, tigusareqqinneralu akerliussutsimik takutitsisut ajugaarujussuarnertut isigaat.

Sakkutuut illoqannginnersami nakkutilleereerlutik qimagummata politiit sakkulersorsimasut paarlammatigik, akerliussutsimik takutitsisut isaapput.

Illoqannginnersaq Perlepladsen sakkutuut pissanganartorsiornaqisumik ippassaq tiguarpaat, aallaasersortoqarmallu akerliussutsimik takutitsisut sisamat toqutaapput. Pisut pissanganaqisut filmiliarineqarput, filmiliallu TV-kkut internetsikkullu nunarsuaq tamakkerlugu takutinneqarput.

Kunngi Hamad al-Khalifa, nunami politikeritut allatulli aningaasaatilissuartullu, sunnimuslimiuvoq. Bahrainimili innuttaasut 1,2 millionit 70 procentii shiamuslimiupput, sunnimuslimillu aqutsisuinit immikkoortitaasutut misigisimallutik.

Kunngillu aaqqissuusseqqinnissaa akerliussutsimik takutitsisut piumasaraat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq