Bahamasimi inuit 2500-t maqaasineqartut
Kiattup anorersua Dorian Bahamas aqqusaareeraalu inuit 2.500-t suli maqaasineqarput.
Dorian Bahamasimut aqqusaareersorlu inuit 2500-t maqaasineqartut.
Allattoq Ritzau
septembarip 11-at 2019 18:37
Bahamasimi atorfillit ilisimatitsissutigaat - inuit 2500-t maqaasineqartutut nalunaarsorneqarsimasut.
Reuters alllaaserisaqarpoq.
Ujaarineqartutulli nalunaarutigisat ilaat qeqertani assigiinngitsuni ikiuiniaqatigiiffinnukarsimasinnaanissaat atorfillit aamma nalunaarutigaat.
Kiattup anorersua Dorian Bahamasimut aqqusaarami sakkortornerpaaffimmiippoq.
Maqaasineqartut pillugit paasissutissat maanna tamakkiisumik paasiniarneqartut pisortat aamma nalunaarutigaat.
Inuppassuit angerlarsimaffitik annaavaat amerlaqisullu qeqertani assigiinngitsuni ikiuiniarfiusunukarsimallutik.
Pisortat uppernarsarpaat, inuit 50-t ajunaarsimasut, sulilu amerlanerusut ajunaarsimanissaat ernumassutigineqarluni.
/ritzau/Reuters
