Bagngkokimi akerliussutsimik takutitsisut tunuarallarput
Thailandimi naalakkersuisunut illuatungiliuttut akerliussutsiminnik takutitsisut Bangkokip mittarfiinik matoqqatitsereersullu akerliussutsiminnik takutitsinertik ullumi unitsippaat, Suvarnabhumillu mittarfianiit ullumi angerlarlutik.
Allattoq Louise M. Kleemann
decembarip 03-at 2008 13:02
Ministeriunerup Somchai Wongsawatip eqqartuussiviit qullersaannit tunuartinneqareersorlu, partiilu naalakkersuisuutitaqartoq inerteqqutaatinneqalereersorlu Wongsawat tunuarpoq. Taanna ukiuni tallimani naalakkersuinermik suliaqaqqusaajunnaarsinneqarportaaq.
Akerliuniaqatigiit mittarfik qimanniarlugu oqarput, akerliussutsiminnilli takutitseqqissinnaanissartik aamma oqaatigalugu.
Mittarfimmik aqutsisoq oqarpoq timmisartuussinerit ullualunnguit qaangiuppata pissusissamisut ingerlaqqilersinnaassasut.
