Baggeri Los Angelesimi politiinut tunniuppoq
Maanna Danmarkimi parnaarussivimmut nuutsinnissaa sulissutigineqarpoq, ilimanarsereerporlu parnaarussaanera sivisussaqisoq, taama piginneqatigiilluni suliffiuteqarnermut tunngatillugu inatsisinik ilisimatooq professori Søren Friis Hansen naliliivoq.
- Stein Baggerip peqquserluutai ima ingasatsigipput, allaat nalinginnaasumik peqquserluuteqarsimasumut ukiup aappaa avillugu parnaarussaanermik pineqaatissiisarnermut assersuunneqarsinnaanani, Friis Hansen DR-imut oqarpoq.
- Peqquserluuteqarnera ima sakkortugaaq allaat ukiuni arfineq-pingasuni paarnaarussaanermik kinguneqarsinnaalluni, professori nangippoq.
Søren Friis Hansenip aamma qularinngilaa, IT-Factorymi Baggerip piginneqatai taarsiiffigineqarnissaq siunertaralugu eqqartuussisulersuussiumaartut.