Naalagaaffeqatigiit issittoq pillugu periusissiaat maanna atuuttoq 2011-meersuuvoq, ukioq mannalu ukiup naanerani qaangiuttussaalluni.Assi: Brian Grønvold

Bagger: Nunarput Issittoq pillugu Periusissami ersarinnerussaaq

Naalagaaffeqatigiinneersut tamarmiullutik Issittoq pillugu Periusissaq Ilulissani marsip naanerani oqallisigisussanngorpaat.

Ilulissat politikkikkut ataatsimeersuarfioqqilerpoq.

Tamanna pissaaq nunanut allanut naalakkersuisoq, Siumumeersoq Ane Lone Bagger, Danmarkimi, nunatsinni aamma Savalimmiuni qinikkanik marsip naalernerani ataatsimiisitsilerpat.

Ataatsimeersuarnissami qinikkat Kunngeqarfiup Issittoq pillugu Periusissaanut isummersuuteqassapput.

- Inuppaalussuuniarpugut. Aamma qilanaarisorujussuuarput oqallisigineqarnissaa. Sualuppoq pingaartillugu Kunngeqarfiup Issittortaani Issittumi Periusissiaq politikkikkut oqallisigineqarluni aallartinnissaa, Ane Lone Bagger, Nunanut allanut naalakkersuisoq, taama oqarpoq.

Kunngeqarfiummi Issittoq pillugu Periusissiassaa maanna atuuttoq, 2011-meersorlu, ukiup matuma naanerani atorunnaassaaq.

Taamaammat qinikkat, soqutigisaqaqatigiit, partiit sinniisaat, qallunaat nunanut allanut ministeriat aamma nunatsinnit nunanut allanut naalakkersuisoq Issittoq pillugu Periusissamut, 2021-mit 2030-mut atuuttussamut, suliaqarlutik aallartissapput.

Nuummi innuttaasunut maajimi ataatsimiititsisoqassasoq

- Naalakkersuisuninngaanniit piumasariniarparput Issittormiuusugut, kalaallit, tassani Issittumi Periusissiami ersarinnerunissarput. Tassami nunarput pillugu Danmarki Issittormiutut imminut taasinnaavoq. Taamaattumi Issittumi Periusissiami ersarinnerusumik nunarput inuilu ersersinneqarnissaat kissaatigivarput, Ane Lone Bagger oqarpoq.

Ilulissani ataatsimiinnissami peqataasut Issittoq pillugu Periusissamut isummersuutiminnik saqqummiussinissaminnut periarfissaqassapput.

- Oqallinnerullu tikkuutissuaa Issittumi Periusissiaq qanoq isikkoqassanersoq. Taavalu aasap ingerlanerani missingiut suliarineqariarluni ukiassamut missingiut siulleq saqqummersinneqassaaq, Ane Lone Bagger oqarpoq.

Ane Lone Bagger naapertorlugu Issittoq pillugu Periusissamik suliaqarneq pillugu Nuummi maajimi saqqummiisoqarlunilu innuttaasunik aamma ataatsimiisitsisoqarumaartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat