Bagdadimi qarmarsualiorneq unitsinneqaqquvaat

Shia aamma Sunnimuslimit avissaartinniarlugit Bagdadimi qammarsualiortoqarniarnerata irakimiut naalakkersuisui USA-llu sakkutuui isumaqatigiikkunnaarsippai.

Amerikamiut qarmarsuaq sanallugu aallartippaat – qarmarsualiornerli unitsinneqassasoq Irakimi naalakkersuisut siulittaasuata piumasaraa.

- Soorunami Irakimiut naalakkersuisui naalattariaqarpavut, taama oqarpoq,

USA-p aallartitaa, Ryan Crocker, oqarpoq:

USA-p aallartitaa oqarpoq, isumanaallisaaniarluni qarmarsualiornissaq periarfissatsialaasoq, kisiannili qaqugorsuarmut ataannarnavianngitsoq. Sapaatip akunneri marluk qaangiuttut qarmarsuaq assortuussutaaqisoq, amerikamiut sanallugu aallartippaat, qarmarsualiornermilu cementi 6 tonsi maannamut atorneqareerpoq. Sunnimuslimillu najugaqarfiat illersorniarlugu qarmarsuaq sananeqartussaavoq.

Tamaani amerlanerussuteqarlutik aamma najugaqarput Shiamuslimit. Eqqisseqatigiittoqarnissaami siunertaralugu amerikamiut qarmarsualiorput. Sunnimuslimit illoqarfiat Adamir Shiamusliminit toqutsiartorfigineqakkajuppoq, illoqarfillu illersorniarlugu qarmarsuarliorfigalugu ungaluniarneqaraluarpoq. Qarmarsuarliornerlu ullualuit qaangiuttut aatsaat paasineqarmat, qarmarsuup qanittuani najugaqartunit tamanna sakkortuumik akerlerineqaqaaq.

Tusarnikuuarput palæstiinamiut isralimiullu akornanni qarmarsualiortoqarnikuusoq, maanilu qarmarsualiortoqassappat Shia amma Sunnimusliimit akornanni sakkortunerusumik akerleriilersitsinermik pilersitsisoqaannassaaq.

- Sakkortuumik akerlilersuisoqalernerata Irakimi naalakkersuisut siulittaasuat, Al Maliki, qarmarsualiornerup unitsinneqarnissaanik piumasaqarpoq.

Allatut iliorluni isumannaallisaasinnaasoqartaria-qarpoq, avissaartitsinissarmi qammarsualiornikkut siunertarineqassanngilaq.