Bagdadimi inatsisartoqarfimmi qaartitsisoqarpoq

apriilip 12-at 2007 17:13

Bagdadimi sakkutuunit paarilluagaaqisumi Irak-ip inatsisartuisa allaffeqarfissuanni ullumi imminut toqoriaatigaluni qaartitsisoqarpoq.

Inatsisartoqarfiup sutorniartarfittaani ulloqeqqasiuleruttornerup nalaani qaartitsisoqarmat inatsisartunut ilaasortat minnerpaamik marluk toqutaapput inuppassuillu ikilersiterlutik.

Irakimi Inatsisartut allaffeqarfissuat Amerikamiut Irakimiullu sillimaniarnikkut sakkutuuinit paarsisorpassuaqarpoq, taamaakkaluartorli qaartitsiniaq qaatiguuni qaartartunik ulikkaartoq sutorniartarfimmut isersinnaasimavoq.