Baffinimi Inuit meerartaat napparsimakulaqaat
Init inunnik ulikkaavissut iluameersunik silaannarissarfeqanngitsut pissutigalugit Nunavup immikkoortortaata ilaani Baffinimi Inuit meerartaat puallunnermik anersaartorniarnerminnillu ajornartorsiuteqarput.
juulip 25-at 2007 05:51
Illup iluani silaannaap qanoq issussaa nakorsap Tom Kovesip nakorsanik allanik suleqateqarluni misissuivigisimavaa, meeqqat 49-t tallimat inorlugit ukiullit, Baffinimi najugallit, najugaat misissuiffigisimallugit.
Baffinimi inigisani agguaqatigiissillugu inoqutigiit arfiniliusarput, Canadap kujasissuanut naleqqiullugu marloriaatingajaat. Silaannarissarneq aamma atorluarneqarpallaanngimmat meeqqat napparsimakulanerannut tamanna ilasaataasoq, Tom Koves isumaqarpoq.
Baffinimi Inuit meerartaat sakkortuumik puallunnertik pissutigalugu napparsimmavinnut unikulanerpaapput. Meeqqat 1000-iugaangata 306-it ukiumut unittarput, Inuillu meerartarpassui anigorsinnaanngisaminnik puallulersartut, Canadami atuagassiaq, Medical News Today, allappoq.
