Video: Badmintonertartut peqatigiiffit Aasianni nalliuttorsiutigineqartoq

Aasianni Badmintonertartut peqatigiiffiat ukioq manna piukkunnaatilinnik ineriartortilluarnerpaatut sapaatip akunnerata siuliani Nuummi Maligassiuisut Show 2018-imi nersornaaserneqareerlutik angerlamut utermata ataqqinninnertalimmik pilluaqqusertalimmik tikilluaqquneqarput.

- Ukioq manna piukkunnaatilinnik ineriartortitsilluarnerpaat nersornaaserneqartussanngorput.

Maligassiuisut Showeqarnerani taama oqartoqarpoq.

Badmintonertartullu peqatigiiffiat pillugu Kommune Qeqertalimmi pingasunngormat kaagillertoqarlunilu nersornaaserneqartut nalliuttorsiutigineqarput.

- Aasiannut uteratta aamma borgmesterimiit aggeqquneqarpugut ilassinnissummik, kommunalbestyrelsengooq tamarmi maaniinnerani ilassilaarniarluta. Aamma tuppallernarpoq taamannak pineqarluni, Victoria Rafaelsen, meeqqani nukarlernut inuusuttuaqqanullu sungiusaasoq, oqarpoq.

Borgmesteri, Ane Hansen peqatigiiffimmut oqalugiaateqarpoq meeqqanullu inuusuttunullu suliaannut pingaartumik nersualaarinnilluni.

AAMMA ATUARUK Timersortartut ukioq manna akissarsitinneqartut takukkit

- Ataataq kisimiittup oqaasia, tassa qujamasulluni meeqqatik immaqa pinerlunniarnermut sangunatik taakku sulilluarnerisigut nukitik pittaasumik atoraat peqqinnartumillu, taanna assorujussuaq malunginiarsimavarput maani kommunemi, Ane Hansen oqarpoq.

Nersornaaserneqartut peqatigiiffimmut piffissamik atuinertik nersorneqartoq nuannaarutigaat.

- Tassa, nuannertorujuuvoq taamannak innersuunneqarluni pinnallunilu. Asuliinnarsuaq halleliartarsimanngilagut, soorlu assersuutingalugu kaffisoriartunngittoornerpassuit taavalu arlaannut peqataanngittoornerit hallemiittussaaneq peqqutaalluni. Kisianni ajunngilaq, imminut akilerpoq, Victoria Rafaelsen oqarpoq.

Peqatigiiffiup nersornaaserneqarnera aamma aningaasartaqarpoq. Aningaasat taakku ilaatigut qarasaasiamik angallakkattamik pisinermut allanullu atortunut pissutsinik pitsaanerulersitsisussanut atorneqassasut, Victoria Rafaelsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat