Bachelorit nutaat marluk: Qaqugu naammalissappat?

Ilimmarfik 1996-miilli aallartinneqarmat kandidatit 56-t bachelorillu 146-t allagartartaartinneqarsimapput. Ullumikkut ullorsiornermi kandidatit marluk bacheloretullu naammassisut 27-t allagartartaartinneqarput. .

Aviâja Lund aamma Nuka Tønnesen Fleischer ullumikkut ullorsiortut ilagaat. Marluullutik inuinnik isumaginninnermut tunngasumik soraarumeerutissaminnik suliaqarsimasut.

Allaaserisarinninnerminni meeqqat angerlarsimaffimmi avataannut inissinneqartartut allaserisimavaat, quleqautserlugu: 'Meeqqamut "qaqugu naammalissava" angerlassimaffiuop avataani inissinneqartarneq misigiuarlugu?'

Aviaaja Lund nassuiaavoq Nuka Tønnessenilu Fleischerilu marluullutik praktikkernerminni meeqqat angerlasimaffiup avataanut inissinneqartartut arlallit naammattoortarsimagamikkit tassunga tunngasumik allaaserisaqarnissaminnik soqutiginnissimallutik.

Meeqqat angerlarsimaffiup avataanut inissinneqartartut pillugit ajornartorsiut annikitsuinnaanngitsoq Avâja Lund isumaqarpoq.

-Ajornartorsiut annertoorujussuuvoq, Aviâja Lund oqarpoq.

Meqqanik angerlarsimaffiup avataanut inissiisarnermi ajornartorsiut qaangerneqassappat angajoqqaarsiat piareersimasut pisariaqartinneqassasut Nuka Tønnesen Fleischer isumaqarpoq.

- Angajoqqaarsiat kiisalu meeqqat najugaqarfiini ulloq unnuarlu sulisut ilinniartinneqarnermikkut piareersimalluartut pisariaqartinneqarput, taamaalilluni meeraq angerlarsimaffiup avataannut inissinneqarluni uteqattaartinneqarpaallaarnqarunnaarsinnaammat, Nuka Tønnesen Fleischer oqarpoq.

Allagartartaartunit 29-iusunit arnat amerlanerungaatsiarput tassa 26-ugamik, angutitaat pingasuinnaasut. Allagartartaartut pilluaqquavut.