B67 pissartanngorput
Angutit inersimasut illup iluani isikkamik arsarlutik pisartanngorniunnerat, Nuup timersortarfissuani tallimanngormalli ingerlanneqartoq ualisoq naammissivoq. Pissartanngorput Nuummeersut B67-ip hold 1-a, normu 2-nngorput Qaqortumeersut K1933. Pissartanngorniulluni unammisaqattaarnerit 12 minutsikkaarlugit sivisussuseqartinneqarput, ullumilu B67-ip K1933-llu akornanni finali, B67-imut 2-1-imik inerneqarpoq.
3-nngorput N48 Ilulissaneersoq, ajugaaffigalugit N85 Narsameersut.
Søren Møller pissartanngorniunnermik aaqqissueqataasoq oqarpoq unamminerit nuannersumik annertunerusumillu ajoquserfiunngitsumik ingerlanneqarsimasut.
Angutit illup iluani isikkamik arsarlutik pissartanngorniuttarneri ukioq 2000-imili aallartipput, ukiullu tamangajaasa ingerlanneqartarlutik. Aappaagu pissartanngorniunnissat sumi pinissaat suli aalajangerneqanngitsoq Søren Møller ilisimatitsivoq.