GM 2018 B-67 pissartanngorput

B-67 unamminerup immikkoortuani siullermi siulliulluni isertitsivoq. Minutsit aqqaneq-marluk ingerlareersut John-Ludvig Broberg isertitseqqaapoq, unamminerullu immikkoortuani kingullermi Norsaq Lund Mathæussen isertitsilluni.

Taamaalilluni B-67 unamminerni tamani ajorsartinneqarani ippassaq N-48-mut ajugaagami pissartanngorpoq. Nallunnguakkullu finalimi aatsaat ajorsatinneqarlutik.

KAK - Kalaallit Arsaattartut Kattuffiata Patrick Frederiksen ukiormanna arsarluarnerpaatut toqqarpaa, N-48-meersoq Marcus Jensen ukiormanna arsalerillammattut toqqarneqarpoq, ukiormannalu sukataallammanngorpoq Kaali Lund Mathæussen aamma nallunnguarmeersoq.

Isikkamik arsaalluni pissartanngorniutivinnermi målinik amerlanerpaanik isertitsisoq klubbimit allameersuuvoq, tassa K-33-mi arsaqataasoq Salik Sebulonsen unammisaqattaarnerit tamaasa ataatsimut isigalugit qulingiluaraarluni isertitsisuulluni.