B-67 pissartanngorput
Angutit inersimasut illup iluani isikkamik arsaallutik Nuummi illorsuarmi timersortarfimmi sapaatip-akunnerata naanerani pissartanngorniummata Nuummeersut B-67 ukioq manna pissartanngorput.
Allattoq Mads Lynge
Pissartanngorniutivinnermi unammisut tassaapput B-67 hold 1 aamma ATA Tasiilaq, B-67-ilu sisamanik isertitsilluni ATA Tasiilaq illaagutitaartinneqarpoq.
Nuummeersut Nûk hold 2 aamma KT-85 Kangaamiut bronzinnanniummata unammisut naligiittorujussuupput, unammisut strafferlutik isertitseriaqattaartariaqalermata.
Nûk hold 2 tassani 2-1-imik ajugaavoq, tassalu bronzinnattuulluni.