B-67 Nagdlúnguarlu finalessapput
![](/sites/default/files/styles/image_934x467/public/article_images/b67_malamuk.jpg?itok=TWkN7Njc)
![](/sites/default/files/styles/image_934x467/public/article_images/b-67_malamuk.jpg?itok=7_QaSBFU)
![](/sites/default/files/styles/image_934x467/public/article_images/n-48-4.jpg?itok=_YeViz-c)
![](/sites/default/files/styles/image_934x467/public/article_images/n48-tilskuere.jpg?itok=On3PlNkX)
![](/sites/default/files/styles/image_934x467/public/article_images/n-48_markus_jensen.jpg?itok=-HtuMPEi)
Unammineq pikkunartorujussuusinnaavoq Nagdlúnguak Ilulissaneersoq aamma B-67 Nuummeersoq angutit arsaallutik pissartanngorniunneranni arfininngornermi ualikkut finalilerpata.
Taakku finalertussanngornerat paasinarsivoq B-67-ip qularnaalluartumik FC Malamuk Uummannameersoq ajugaaffigimmagu. Tassani Nuummiut 6-0-imik ajugaapput unamminerup aallartinneraniit arsaanneq aqullugu.
Nagdlúnguak aamma siorna pissartat G-44 pissanganartumik semifinalemi unammipput tassanilu Nagdlúnguak 4-0-imik ajugaavoq. G-44 unamminerup ilaa pikkunartumik saassusseqattaaraluarpoq arsarli isertinngitsoorlugu. Siukkaat isertitsingajuttoq Zakorat Zeeb pingasunngormat ajoqusernerminik suli qangiinngitsoq iliminit maqaasineqannguatsiaqaaq.
Maanna tassa B-67 aamma Nagdlúnguak arfininngornermi ualikkut finalemi unammisussanngorput. Taakku unamminerminni tamatigut qularnaalluartumik ajugaasarput. Imminnullu unammigamik 1-1-imik naligiiginnareerlutik finalemi arfininngornermi ualikkut 17.00 pissangatitsilaavissussagunarput.
Bronzennanniuttussat tassaapput G-44 Qeqertarsuarmeersoq aamma FC Malamuk Uummannameersoq. Unammineq taanna nalunaaqutaq 15.00 aallartissaaq.
Bronzennanniunneq aamma finale KNR TV-mi radiomilu toqqaannartumik aallakaatinneqassapput.
Angusat:
B-67 - G-44 6-0
Nagdlúnguak - G-44 4-0
Arfininngornermi unamminissat:
Nal. 15.00 G-44 - FC Malamuk
Nal. 17.00 Nagdlúnguak - B-67