Assi: KAK

B-67-imeersoq Danmarkip nunanut allanut unammisartuinut ilaasussanngortoq

Illup iluani isikkamik arsaattartut, tassa futsallertartut anføreriat, Danmarkip nunanut allanut unammisartuini piffissami qaninnermi unammeqataasalissaaq.

Futsalertartoq Kalaallit Nunaanneersoq, Danmarkip nunanut allanut unammisartuinut siullerpaamik ilaasussanngorpoq.

Nunatta futsalerluni nunanut allanut unammisartuisa anføreriat Frederik Funch, Nuummi B-67-imi ulluinnarni arsaattartoq, Danmarkip nunanut allanut unammisartuinut ilaasussanngorpoq.

- Soorunami nuannaarpunga. Uannut periarfissatsialaavoq, soorunami aamma Nunatsinni isikkamik arsaattartunut periarfissatsialaalluni, Frederik Funch oqarpoq.

AAMMA ATUARUK Futsalertartut ugguaraluarlutik misilittagaqarnerullutik angerlassapput

Frederik Funchip Danmarkip nunanut allanut unammisartuinut peqataasussanngornerata nunatsinni isikkamik arsaattarnerup oqaluttuarisaaneranut pingaaruteqartoq, Nunatta nunanut allanut unammisartuisa sungiusaasuata Rene Olsenip oqaatigaa, kalaallit arsaattartut assersuutigalugu EM-imut VM-imulluunniit peqataasinnaanngornissaannut ammaassinerarlugu. Siornatigut taamaassinnaasimanngisaannarpoq.

Frederik Funch, Danmarkip futsalerluni nunanut allanut unammisartuisa sungiusarneranni apriilip naalernerani peqataassaaq, nunanullu allanut unammisartut sungiusaatigalugu Ungarnimut marloriarlutik unamminissaannut siullermik peqataasussaalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat