B-67 angutit arsaallutik pissartanngorniunneranni aallartilluarput

Nunatsinni angutit arsamik unammersuarneranni, ippassaq aallartittumi, ammaanersiorlutik unammisut, NÛK aamma G-44 naligiillutik 1-1-erpput.
Allattoq Apollo Jeremiassen
aggustip 05-at 2014 12:24

Tulliullutik unammipput, siorna pissartanngortut B-67, Nuummeersut Eqaluk 54-imut, Kujataani nunaqarfimmit Tasiusameersut, tassanilu B-67 ajugaalluavilluni arfinilinnik isertitaqartoq, Eqaluk 54 susaartoq.

Uummannarmiut FC Malamuup, Paamiormiut Nagtoralik 4-1-mik ajugaaffigaat. Ippassarlu kingulliullutik unammisut IT-79, Nuummeersut Iluliarmiunut N-48-imut tupaallatitsillutik 3-2-mik ajugaapput.

Ullumi unamminerit sisamaasussat, toqqaannartumik KNR-TV-kkut aallakaatinneqassapput.

Ataatsinut FC Malamuk, Uummannameersut G-44, Qeqertarsuarmeersut unammipput, naligiillutillu 2-2-rput. Pingasunut Eqaluk-54,Tasiusameersut Nagdlunguak-1948-mut, Ilulissaneersunut unammissapput. Nalunaaqutaq tallimanut B-67, Nuummeersut IT-79 aamma Nuummeersut unammissapput, ullumilu kingulliullutik Nagtoralik, Paamiuneersut Nûk, Nuummeersunut arfineq marlunut unammissapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq