B-67 akiortillualaavippoq
![](/sites/default/files/styles/image_934x467/public/article_images/b-67.jpg?itok=MRjaLqdl)
![](/sites/default/files/styles/image_934x467/public/article_images/eqaluk_54.jpg?itok=7ODpnIi9)
![](/sites/default/files/styles/image_934x467/public/article_images/miki_petersen.jpg?itok=uKdCgOPk)
Illup iluani arsaannermi B-67 Nuummeersoq sapaammi unnukkut pissartanngorpoq. Nuummiulli taakku tungujortunik kiatillit finalemi eqqissitinneqanngivipput.
Angutit pissartanngorniunneranni finale sivitsorneqareermat aatsaat ajugaasussarsisoqarpoq B-67 2-1-mik ajugaammat. Eqaluk 54-li piffissaliunneqartoq naammassingajalersoq tupaallatsitsingajalluinnarpoq.
Finalemi Lars Niels Berthelsen B-67-miit isertitseqqaartuuvoq. Taamaattoq Eqaluk 54 akiuulluartuarsinnarpoq aammalu mumereernermi angummallutik Inuuteq Petersen isertitsimmat. Piffissaliunneqartup naammassinissaanut sekundit 30-iinnanngortut Eqaluk 54 isertitsingajappoq taamaattoq målit uniorlugit niaqormillugu.
Finale sivitsorneqarpoq tassanilu B-67-meersoq Miki Petersen ajugaatitsisuuvoq arsartut arlallit saneqquasinnarlugit arsaq isertikkamiuk.
FC Tuttut Nuummeersoq bronzennappoq G-44 Qeqertarsuarmeersoq 2-0-mik ajugaaffigalugu.
Aajuku unamminerni aalajangiisuni angusat:
Kvartfinalet:
G-44 - B-67 2 1-0
B-67 1 - SAK 1-0
NÛK 2 - Eqaluk 54 1-2
ATA - FC Tuttu 0-2
Semifinalet:
B-67 1 - G-44 2-0
Eqaluk 54 - FC Tuttu 1-0
Bronzennanniunneq:
FC Tuttu - G-44 2-0
Finale:
B-67 1 - Eqaluk 54 2-1