AWG: Unnugu ammaanersiortoqassaaq

Issittumi Nunallit unammiuaaqatigiinnerat unnugu Canadami ammaanersiorneqassaaq.
Allattoq Elisa Isaksen
marsip 07-at 2010 13:31

Maanilu nalunaaqutarput najoqqutaralugu ualimut tallimanut timersorluni unammiuaarnerit aallartinneqarput, tassa arsaallutik unammisussat holdit marluk unammisussaammata.

Maani nalunaaqutarput aqqaninngorpat ammaanersiornerit aallartinneqassapput.

- Tamanna qilanaareqaarput, Timersoqatigiit Kattuffianni siulittaasoq Claus Nielsen ualimut taama oqarpoq.

Taassuma Nunatsinnit unammiartortut tamarmik ajunngeqisut oqaatigaa, Grande Prairiemilu sila isseqarani atoruminaqisoq aamma oqaatigalugu.

- Immaqa isseqanngippallaartutut oqaatigineqarsinnaavoq, tassami aput aakkiartupallammat, taamaattorli unamminissanik suli taamaatitsiinnartoqanngilaq, Claus Nielsen oqarpoq.

Issittormiut unammiuaaqatigiinnerannit angusat timersoqatigiit kattuffiata nittartagaani gif.gl-imi takuneqarsinnaapput.